ŽEMAITIU DĖINAS 2025 Plungė
***
Gegožės 19–25 dėinuom Plungie vīka pėrmāsis žemaitiu koltūras festivalis „Žemaitiu dėinas“, vėsus pakvėitės kortė, pažintė, atrastė ėr šēp – pabūtė karto.
Amatā, katrėi īkvep kūrībėnės dėrbtovės, kor galiejē ėšbondītė ton, kon ėš kartuos i karta pardoud meistrā: kalvīstė, medė druožība, keramėka, audėms. Če svarbės na tėk teknėkas – če svarbos žmuogos, patėrtės, smalsoms. Vėskas lietā, nuobažnē ėr so meilė ronku darbou. Žemaitėjės ėstuorėjė ėr kalba, festivalė muokīmā ėr paskaitas kvėitė paveizietė i Žemaitėjė par naujė – na tėk kāp i praeiti, bet kāp i tapatībė, katra gīva ėr šėndėin. Lėteratūrėnē skaitīmā žemaitėškā lēda patėrtė žemaitiu kalbuos unėkaloma – je ana dā nebova kasdėinībie, anuos gruožis tapa artėms kėkvėinam. Mozėka ėš patiuos šėrdėis līdiejė vėsas dėinas – tėik pruopesuonaliūm mozėkontu, tėik bėndruomeniu kolektīvu. Skombiejė dainės, katrūm meluodėjės keliaun ėš kartuos i karta, ėr šioulaikėškė kūrėnē, katrūs sosėtink tradicėjės ėr dabartės. Poikos čiesos bova pabūtė karto!
Kvėitė ė amatūm mogė, gardė tradicėnē valgē, puokalbē, katrėi nator scenarėjaus!
Plungės kultūras cėntra inpormacėjė