Bagduons Apuolėnars Petros – lituanists, muokītuos, žemaitėškā rašės ėr kningas žemaitiu ėr lietoviu kalbuom leidės poets, vėsuomenės veikies. Gėmė 1912 m. bėržėlė 17 dėina Telšiū rajuona Talainiu kaimė. Kieli i muokslus pradiejė Junkėlū, Ožvėntė pradiuos muokīkluos. Tuoliau muokies Kražiu gėmnazėjuo. Bėngė Vėlinaus universiteta Humanitarėni fakulteta. Eilieraštius pradiejė rašītė dar muokīdamuos gimnazėjuo – būdams šeštuo anuos klasie. Laikraštiūs, žornalūs sava eilieraštius skelbė nu studėju laikū. I literatūrėnė veikla platiau ėsėjungė muokītuojaudams Radvėliškie. Bėngontėis Ontrājem pasaulėnem karou pasėtraukė i Vakarus. Nu 1944 m. gīvena Vuokītėjuo. Braunscveige, Blomberge karto so bėndramintēs steigė lietoviu muokīklas. Nu 1951 m. gīvena ėr muokītuojava Čėkaguo (JAV) – dėrba tėn veikosiuo šeštadėinėnie aukštesniuojie lietoviu muokīluo. Kielė ėr sava kvalifėkacėjė. Čėkagos universitetė anam bova soteikts klasikėniu kalbū magistra laipsnis. Rašė straipsnius kalbuos ėr kėtās klausėmās. Anus skelbė užsėinė lietoviu spauduo. Parašė ėr ėšleida vaduovieli „Lietuvių kalbos sintaksė“. Pėrmouji sava poezėjės rinkėnieli – „Sutemų ugnys“ ėšleida 1956 metās. 1978 m. pasėruodė anuo žemaitėškas poezėjės rinkėnīs „Pruo gintara longa“. Anamė īr ėr kalbuos skīrios – pastabas aple Ožvėntė tarmė. Tas leidėnīs – pati pėrmuoji pu Ontruojė pasaulėnė kara žemaitėškā parašīta ėr užsėinie ėšleista gruožėnės literatūras kninga. Skaitītuojems, literatūras kritėkams ana patėka. Tas A. Bagduona pakosavuojė jimtėis kėta darba – parašītė žemaitėška poema „Medviegalė pasaka“ ėr, prėdiejos pri anuos 33 eilieraštius, 1979 m. ėšleistė tuokė pat pavadėnėma kninga. 1982 m. skaitītuojē solaukė ėr kėtuos A. Bagduona kningas – apsakīmu rinkėnė „Gīvenims – najūkā“. 1983 m. kningīnūs pasėruodė bėndrėnė lietoviu kalBagduons Apuolėnars Petros (1912–2008) aple 1994 metus. Potuograps nežėnuoms. Potoreprodukcėjė ėš RKIC arkīva bo ėšleists A. Bagduona poezėjės rinkėnielis „Žodžiai į tolį“, 1988 m. – „Likimo antspaudas“. Abėjūs tūs rinkėneliūs īr ėr pu 20 anuo žemaitėškā parašītu eilieraštiu. 1991 m. A. Bagduona kūrības kningelė pėrma karta bova ėšleista Lietovuo – tumet ėšejė žemaitėšku apsakīmu ėr eilieraštiu kninga „Lėkėma laiptās“. Pu ketoriū metu Vėlniou bova ėšspausdinta dā vėina anuo eilieraštiu kningelė – „Žvaigždžių pavėsy“, vuo 1996 m. – lietovėšku ėr žemaitėšku eilieraštiu rinktėnė „Vai toli toli“. Nu 1992 m. A. Bagduons bėndradarbiava so žornala „Žemaitiu žemė“ redakcėjė. Ons īr tuos redakcėjės organizouta pėrmuojė žemaitiu poezėjės konkursa laurets. A. Bagduona kūrība īr spausdinta „Klaipieduo“, ivairiūs Žemaitėjės laikraštiūs.
Mėrė Bagduons Apuolėnars Petros 2008 m. JAV.
Parėngė Mukienė Danutė