Rėngėniū organizatuorē (Žemaitėjės krašta draugėjė „Žemaitėjės būtuovė“ ėr baikeriu klubs „Ašvėnē MCC“) vėsus iš onksta pakvėitė 2025 m. lėipas 13 dėina 16.00 valonda rinktėis Mažėikiu Eifelė aikštie.
Po posadīnės, 16.30 val., motuocėklu ė mašėnu koluona so žemaitėškuom vielevuom pajodiejė i tradicėni Padiekuos važiavėma miesta gatviem, katros simbuolizous padieka pruotievems ož anū paaukuotas gīvībės gėnont Žemaitėjė, ož ėškeravuota žemaitėška savėmuonė ė tapatībė. Kuoluona jodiejė šiuom miesta gatviem: Žemaitėjės, Algėrda, Laisvės, Daukšuos, Seduos.
Po tuo vėsė bova kvėitamė i Tėrkšliū pošīna, kor vīka švėntėnis rėnginīs. Anamė dalīvava, koncertava: pasakuorē iš luopšelė-darželė „Žilvitis“, atlėkiejė Vėnsluovienė Gintė, Mažėikiu koltūras nomū miegieju tētra kolektīvs „VISAVI“ ė polkluora kolektīvs „Alksna“, poetė Stražinskātė-Glinskienė Irena, dainininks Almėns Adrėjos, dainininku doets „Dominores“, bruolē Vaičkā ėr kompanėjė, katra atlėka sava kūrības dainas ėr žemaitėškus kuoverius, pradedont baladiem ėr bėngont ruoka kūrėnēs.
Portėgrapėjuo – paminkla, skėrta Dorbės mūšė atmėnėma iomžėnėmou Telšiūs, fragments. Paminkla idiejės autorios ėr organizatuorios, arkitekts Žebrausks Algėrds, skulptuorios Bosos Algėrds, kuoluonas dekuors, kalvis – Mikuckis Virginėjos, žemielapė autuorios Inčirausks Romualds, meistros Mickevīčios Rimants
Teksts parėngts pagal rėngėniū organizatuoriu inpormacėjė
Paskutinį kartą atnaujinta: 2025-07-14 9:58