SKOUDA RAJUONA SAVĖVALDĪBĖS RUOMOALDA GRANAUSKĖ VĖIŠUOJI BĖBLIUOTEKA 2023 M. VASARĖ 8 D. VĖSUS PAKVĖITĖ NUOTOLĖNIO ĖR KONTAKTĖNIO BŪDO RAŠĪTĖ ŽEMAITIU KALBUOS DĖKTANTA.
Ons bova rašuoms naujējemė Skouda rajuona savėvaldībės Ruomoalda Granauskė vėišuosės bėbliuotekas pastatė (adresos: Dariaus ėr Giriena 25B, Skouds). Papėlduomā dėktants bova tėisiuogē translioujems internetė – Skouda rajuona savėvaldībės R. Granauskė vėišuosės bėbliuotekas Facebook paskīruo.
Dėktanta dalīvē anou galiejė rašītė tėik būdamė bėbliuotekuo, tėik ėr veiziedamė tėisiuogėnė transliacėjė par Facebook.
Rašītė dėktanta bova kvėitamė ne tik Žemaitėjės, bet ėr vėsuos Lietovuos gīventuojē, solaukė 14 metu omžiaus, katrėms rūp pasėtėkrintė torėmas žemaitiu kalbuos gramatėkas ėr rašības žėnės, katruos īr paskelbtas kalbininka dr. Pabriežas Jūzapa kninguo „Žemaičių kalba ir rašyba“.
Dalīvē, pasėbėngos dėktantou, tou, kou bova parašė, toriejė par posadīni noskenoutė, nopaveiksloutė arba WORD pormata duokomėnto ėšsiūstė elektruonėnė pašta adreso dalia.zabitiene@gmail.com.
Registracėje i dėktanta vīka el. pašto birute.sruogiene@svb.lt. Dėktanta rašītė galiejė ė tėi, katrėi ėš onksta i anou nebova sospiejė ožsėregistroutė.
Skouda rajuona savėvaldībės Ruomoalda Granauskė vėišuosės bėbliuotekas inpormacėjė